სიახლეების გამოწერა
გამოწერა
გამოწერის გაუქმება
გამოწერის გაუქმება
გაუქმება
სიახლეების გამოწერა
სოფლის განვითარების სააგენტო აცხადებს ვაკანსიას ჩხოროწყუს საინფორმაციო-საკონსულტაციო ცენტრის წამყვანი სპეციალისტის თანამდებობაზე

()იპ - სოფლის განვითარების სააგენტო აცხადებს ვაკანსიას ჩხოროწყუს საინფორმაციო-საკონსულტაციო ცენტრის წამყვანი სპეციალისტის თანამდებობაზე.

სამუშაო ადგილი: ჩხოროწყუ

გრაფიკი: სრული.

ხელფასი: 880 ლარი.  

ფუნქცია-მოვალეობები:

  • ფერმერთა სამიზნე ჯგუფების შერჩევა, მათი საჭიროებების განსაზღვრა/პრობლემების იდენტიფიცირება, ანალიზი და შესაბამისი რეკომენდაციების მომზადება.
  • სასოფლო-სამეურნეო ექსტენციის განხორციელება, დაინტერესებულ პირებთან საველე და საოფისე შეხვედრების ორგანიზება/მოწყობა; დარგობრიოვი (თეორიული და პრაქტიკული) რეკომენდაციების გაცემა საოფისე, საველე და სატელეფონო კონსულტაციების გზით.
  • სააგენტოში მიმდინარე პროექტების/პროგრამების შესახებ ინფორმაციის მიწოდება დაინტერესებული პირებისთვის.
  • საინფორმაციო-საკონსულტაციო ცენტრის მიერ გაწეული საქმიანობის ყოველთვიური ანგარიშის მომზადება.
  • თანამშრომლებთან სამუშაო შეხვედრების ორგანიზება.
  • კომპეტენციის ფარგლებში, ცენტრში შემოსული კორესპონდენციის დამუშავება, ელექტრონული საქმისწარმოების უზრუნველყოფა.
  • ხელმძღვანელის დავალების შესაბამისად, სასოფლო-სამეურნეო დანიშნულების მიწის ფართობების დამუშავების, კულტურების მოსავლის (მათ შორის საპროგნოზო), პროდუქტების წარმოების რაოდენობის და ა. შ. მოძიება, შეგროვება, დამუშავება, ანალიზი და შესაბამისი პროგრამული ასახვა.
  • სასოფლო-სამეურნეო პროდუქტების ყოველდღიური (საჭიროების შემთხვევაში) და ყოველკვირეული საბითუმო და საცალო ფასების მოძიება და შესაბამის ვებ-გვერდზე ონლაინ რეჟიმში ასახვა;
  • კომპეტენციის ფარგლებში, სააგენტოს საქმიანობასთან დაკავშირებული, ხელმძღვანელობის სხვა მითითებებისა და დავალებების შესრულება.

საკვალიფიკაციო მოთხოვნები:

  • უმაღლესი განათლება;
  • მუშაობის არანაკლებ 1 წლიანი გამოცდილება;
  • საოფისე პროგრამების Microsoft Office ზედმიწევნით ცოდნა;   

სხვა მოთხოვნები:

  • დეტალების მიმართ ყურადღებიანი;
  • ანალიტიკური აზროვნების უნარი;
  • სამუშაო დროის ოპტიმალურად განაწილებისა და დაგეგმვის უნარი;
  • ეფექტური კომუნიკაციის უნარი;
  • პასუხისმგებლობის მაღალი გრძნობა;
  • გუნდურად მუშაობის უნარი;
  • პრობლემების ანალიზის უნარი;
  • სტრესულ სიტუაციაში ადექვატური ქცევის უნარი.

განაცხადის მიღების ბოლო ვადაა 2021 წლის 28 თებერვალი.

დაინტერესების შემთხვევაში გთხოვთ, გამოგზავნოთ რეზიუმე ფოტოსურათთან ერთად, ელექტრონულ მისამართზე hr@rda.gov.ge. სათაურის ველში მიუთითეთ პოზიციის დასახელება „ჩხოროწყუს საინფორმაციო-საკონსულტაციო ცენტრის წამყვანი სპეციალისტი”- წინააღმდეგ შემთხვევაში თქვენი რეზიუმე შესაძლოა არ იქნას განხილული.

თქვენ მიერ რეზიუმეს (CV) გამოგზავნით, თქვენ თანხმობას აცხადებთ, რომ ა(ა)იპ - სოფლის განვითარების სააგენტომ დაამუშავოს თქვენი პერსონალური მონაცემები დასაქმების მიზნით, შემდგომი გამოყენებისთვის.

არასრული/არაზუსტი ინფორმაციის მოწოდების შემთხვევაში, თქვენი კანდიდატურა არ განიხილება. დაუკავშირდებიან მხოლოდ შერჩეულ კანდიდატებს.

დიდი მადლობა ჩვენი ვაკანსიით დაინტერესებისთვის. გისურვებთ წარმატებას!