თუ ხართ დაინტერესებული სასოფლო-სამეურნეო ინოვაციური ტექნოლოგიებით, შესაძლებლობა გაქვთ მიიღოთ თანადაფინანსება.  

ინოვაციური ტექნოლოგიების საგრანტო პროგრამის მიზანია ფერმერთა ცოდნისა და უნარების განვითარების ხელშეწყობა საქართველოს რეგიონებში მყოფი მცირე ზომის ფერმერების პროდუქტიულობისა და შემოსავლის გაზრდის მხარდასაჭერად, სხვადასხვა ინოვაციური ტექნოლოგიების გაძლიერებისა და დანერგვის გზით.

პროგრამის ამოცანაა  სოფლად მცხოვრებთათვის    სოფლის მეურნეობის მიმართულებით ინოვაციური და კლიმატგონივრული ტექნოლოგიების დანერგვის მიზნით   სტარტაპ პროექტების  განხორციელების ხელშეწყობა.

პროგრამა განხორციელდება იმერეთის რეგიონსა და აჭარის ავტონომიურ რესპუბლიკაში.

პროგრამას განახორციელებს სააგენტო. 

პროგრამა ხორციელდება შვეიცარიის განვითარებისა და თანამშრომლობის სააგენტოს  (SDC) დაფინანსებით და გაეროს განვითარების პროგრამის (UNDP) მხარდაჭერით, გაეროს განვითარების - UNDP-ის პროექტის: პროფესიული განათლების სისტემის მოდერნიზება საქართველოს სოფლის მეურნეობაში (ფაზა 3) -ის ფარგლებში. 

პროგრამის ფარგლებში სააგენტოს თანადაფინანსების მოცულობა  ერთ პოტენციურ ბენეფიციარზე  ჯამურად შეადგენს შესასყიდი საქონლის ღირებულების არაუმეტეს 50%-ს, მაგრამ არაუმეტეს 5,000 ლარს, ხოლო ქალის შემთხვევაში არაუმეტეს 60%-ს, მაგრამ არაუმეტეს 5,000 ლარის.