მაღალმთიან რეგიონებში სახელმწიფო საკუთრებაში არსებული სათიბ-საძოვრების რაციონალურად გამოყენების სახელმწიფო პროგრამაში ცვლილებები შევიდა

ცვლილების თანახმად, დუშეთის მუნიციპალიტეტის სოფელ შუაფხოში აშენებული რძის გადამამუშავებელი საწარმოს მიმართულებით განაცხადის წარმოდგენა შესაძლებელია 2022 წლის 31 ოქტომბრის ჩათვლით. 

დაკორექტირდა პროგრამის პირობები, რომლის მიხედვით მეპაიეთა რაოდენობა უნდა შეადგენდეს არანაკლებ 11-ს ან თუ მეპაიეები არიან სასოფლო-სამეურნეო კოოპერატივები, ამ სასოფლო-სამეურნეო კოოპერატივების მეპაიეთა რაოდენობა ჯამურად უნდა შეადგენდეს არანაკლებ 11-ს ისე, რომ ერთი ფიზიკური პირი, რომელიც რამდენიმე კოოპერატივის წევრია, ჩაითვლება ერთ მეპაიედ. მეპაიე, რომელსაც მფლობელობაში არ გააჩნია, ან საპაიო ფონდში არ შეუტანია ფური ან/და დეკეული, მეპაიეთა საერთო რაოდენობაში არ ჩაითვლება;

პროგრამის შესახებ დეტალური ინფორმაცია.