გარემოს დაცვისა და სოფლის მეურნეობის სამინისტროს მხარდაჭერით და სოფლის განვითარების სააგენტოს ორგანიზებით, აზერბაიჯანში, ქალაქ ბაქოში გამართულ საერთაშორისო გამოფენაზე CASPIAN AGRO 2022 ქართულმა კომპანიებმა დამთვალიერებლებს საკუთარი პროდუქცია წარუდგინეს.

14-მა ქართულმა კომპანიამ გამოფენის სტუმრებს ალკოჰოლური სასმელები, კაკალი, მშრალი ხილი, ორგანული წვენები, თაფლი, სხვადასხვა სახის კონსერვი და ცხოველთა კომბინირებული საკვები გააცნო.

გამოფენის ფარგლებში, ქართული აგროპროდუქციის მწარმოებელი კომპანიების და ადგილობრივი ბიზსნესის წარმომადგენლებს შორის შეხვედრები გაიმართა, სადაც მხარეებმა ახალი საქმიანი ურთიერთობების შესაძლებლობების საკითხები განიხილეს.

საერთაშორისო გამოფენებში მონაწილეობა კომპანიებს საშუალებას აძლევს, გაზარდონ საკუთარი ბრენდის ცნობადობა უცხოურ ბაზრებზე, რაც საექსპორტო შესაძლებლობების მაქსიმალურ გამოყენებას უწყობს ხელს.