საქართველოს დამოუკიდებლობის დღის აღნიშვნის ღონისძიების ფარგლებში, სოფლის განვითარების სააგენტო მოქალაქეებს ქ. ოზურგეთში, ცენტრალურ მოედანზე მასპინძლობს

გარემოს დაცვისა და სოფლის მეურნეობის მინისტრის მოადგილე თენგიზ ნასარიძემ, ადგილობრივი ხელისუფლების წარმომადგენლებთან ერთად, 26 მაისისადმი მიძღვნილი ღონისძიების ფარგლებში მოწყობილი სივრცეები დაათვალიერა.

„საქართველოს დამოუკიდებლობის დღეს გურიიდან, ქალაქ ოზურგეთიდან   ვულოცავ მთელ საქართველოს, ჩვენი ქვეყნის ყველა მოქალაქეს. სოფლის განვითარების სააგენტო და ოზურგეთის მუნიციპალიტეტის მერიის ორგანიზებით დაგეგმილი გვაქვს მრავალი აქტივობა - გამოფენილია სოფლის მეურნეობის ადგილობრივი წარმოების პროდუქცია, მოწყობილია არაერთი გასართობი სივრცე, მათ შორის, ბავშვებისთვის. ჩვენი ქვეყნისთვის ყველაზე მნიშვნელოვანი დღე მთელი ქვეყნის მასშტაბით აღინიშნება. ყველამ ერთად ვიზეიმოთ 26 მაისი. ეს დღე გვაერთიანებს და სიამაყით გვავსებს“, - აღნიშნა გარემოს დაცვისა და სოფლის მეურნეობის მინისტრის მოადგილე თენგიზ ნასარიძემ

ოზურგეთის ცენტრალურ მოედანზე მოქალაქეებს შესაძლებლობა აქვთ გაეცნონ  ადგილობრივი მეწარმეების მიერ  წარმოებულ პროდუქციას, მოწყობილია ქართული ღვინის სადეგუსტაციო კუთხე და ტარდება კულინარიული მასტერკლასები.

ღონისძიების ფარგლებში, ბავშვებისათვის შემეცნებითი სივრცე შეიქმნა, იმართება  საბავშვო სპექტაკლი, მოწყობილია საგამოფენო სივრცე „რაც გვეამაყება და გვაერთიანებს“. ადგილობრივი შემსრულებლების მონაწილეობით იმართება კონცერტები.  გამოფენილია თავდაცვის ძალების სამხედრო ტექნიკა.

17:10 სთ-ზე,  საქართველოს დამოუკიდებლობის გამოცხადების ისტორიული დრო საზეიმოდ აღინიშნა. 

ქ. ოზურგეთში, ცენტრალურ მოედანზე, საზეიმო ღონისძიება საქართველოს მთავრობის ადმინისტრაციის, გარემოს დაცვისა და სოფლის მეურნეობის სამინისტროს  სოფლის განვითარების სააგენტოსა და ოზურგეთის მუნიციპალიტეტის მერიის ორგანიზებით  ტარდება. 

სხვა სიახლეები

ყველას ნახვა
სოფლის განვითარების სააგენტო „მერძევეობის დარგის მოდერნიზაციის და ბაზარზე წვდომის პროგრამაში” განაცხადების მიღებას განაახლებს

სოფლის განვითარების სააგენტო „მერძევეობის დარგის მოდერნიზაციის და ბაზარზე წვდომის პროგრამაში” განაცხადების მიღებას განაახლებს

პროგრამაში მონაწილეობის მისაღებად განაცხადების მიღება მიმდინარე წლის 30 ივლისის...
გურიისა და იმერეთის რეგიონებში დიდთოვლობის შედეგად დაზარალებული ფერმერული მეურნეობების დახმარების პროგრამა - "რადიო იმედი"

გურიისა და იმერეთის რეგიონებში დიდთოვლობის შედეგად დაზარალებული ფერმერული მეურნეობების დახმარების პროგრამა - "რადიო იმედი"

გურიისა და იმერეთის რეგიონებში დიდთოვლობის შედეგად დაზარალებული ფერმერული...
სოფლის განვითარების სააგენტო დიდთოვლობით დაზარალებული ბენეფიციარების დასახმარებლად განაცხადების მიღებას იწყებს

სოფლის განვითარების სააგენტო დიდთოვლობით დაზარალებული ბენეფიციარების დასახმარებლად განაცხადების მიღებას იწყებს

იმერეთისა და გურიის რეგიონში, მიმდინარე წლის თებერვალში დიდთოვლობით...