2026 წლის 16 - 25 იანვარს ქალაქ ბერლინში, გერმანიის ფედერაციული რესპუბლიკა, გაიმართება „Green Week“ საერთაშორისო გამოფენა.

გამოფენაში მონაწილეობას იღებს 1,500-მდე კომპანია 50 ქვეყნიდან. გამოფენას ყოველწლიურად 310,000-მდე ვიზიტორი სტუმრობს. Green Week წარმოადგენს წამყვან საერთაშორისო სავაჭრო გამოფენას სურსათის, სოფლის მეურნეობისა და მებაღეობის სფეროში. მწარმოებლები მთელი მსოფლიოდან წარმოადგენენ პროდუქციის ფართო ასორტიმენტს 10 დღის განმავლობაში.

გამოფენის ფარგლებში, ასევე ტარდება გერმანიის სურსათისა და სოფლის მეურნეობის გლობალური ფორუმი (GFFA), რომელიც ორგანიზებულია გერმანიის სურსათისა და სოფლის მეურნეობის ფედერალური სამინისტროს მიერ. GFFA არის წამყვანი საერთაშორისო კონფერენცია გლობალური სოფლის მეურნეობისა და კვების მრეწველობის ძირითად საკითხებზე. 

2026 წელს გამოფენა 100 წლის იუბილეს აღნიშნავს. გამოფენას საფუძველი 1926 წელს ბერლინში ჩაეყარა. 1990-იან წლებში, გერმანიის გაერთიანების შემდეგ, საგრძნობლად გაფართოვდა და ახალი განვითარების ეტაპზე გადავიდა. 2000-იანი წლებიდან კი გლობალური სოფლის მეურნეობისა და კვების ინდუსტრიის ერთ-ერთ მთავარ პლატფორმად ჩამოყალიბდა.

ა(ა)იპ - სოფლის განვითარების სააგენტოს ორგანიზებით, გამოფენაში მონაწილეობას შეძლებენ მხოლოდ გადამამუშავებელი კომპანიები, რომლებიც აწარმოებენ საკვებ ან/და სასმელ  პროდუქციას.

გამოფენის შესახებ დეტალური ინფორმაცია იხილეთ ბმულზე.