ქართული აგროპროდუქციის ცნობადობისა და კონკურენტუნარიანობის ზრდა საერთაშორისო ბაზრებზე, სასოფლო-სამეურნეო პროდუქციის ღირებულებათა ჯაჭვის ერთ-ერთი მნიშვნელოვანი კომპონენტია.

სოფლის განვითარების სააგენტოს ორგანიზებით, მორიგ საერთაშორისო გამოფენაზე RIGA FOOD 2022, 20-მდე ქართულმა აგრომწარმოებელმა  მიიღო მონაწილეობა.

გამოფენაზე კომპანიებმა კაკალი, თხილი, ღვინო, კენკროვანი კულტურები, ჩირი, ჩაი, ნატურალური წვენები, ტყემალი, სუნელები, თაფლი და სხვადასხვა ალკოჰოლური სასმელი დამთვალიერებლებს წარუდგინეს.

გამოფენის ფარგლებში, ქართული კომპანიები სხვადასხვა ბიზნესის წარმომადგენლებს შეხვდნენ, ქართული აგროპროდუქტის ექსპორტის შესაძლებლობები და ახალი საქმიანი ურთიერთობების საკითხები განიხილეს.

საერთაშორისო გამოფენებში მონაწილეობა, კომპანიებს საშუალებას აძლევს გაზარდონ საკუთარი ბრენდის ცნობადობა, მოიძიონ ახალი საქმიანი კავშირები, პარტნიორები და პოტენციური კლიენტები.