დელეგაციის წევრები ხორვატიისა და სერბეთის გადამხდელი სააგენტოების გამოცდილებას გაეცნენ. აღნიშნული ვიზიტი სოფლის განვითარების სააგენტოს ინსტიტუციური რეფორმის, სააგენტოს გადამხდელ სააგენტოდ (Paying Agency)  გარდაქმნის პროცესში დაგეგმილი ერთ-ერთი აქტივობაა.

ვიზიტის ფარგლებში შეხვედრები გაიმართა ხორვატიის სოფლის მეურნეობისა სამინისტროსა და გადამხდელ სააგენტოში. დელეგაციის წევრები ევროკავშირის წევრი სახელმწიფოს, სოფლის მეურნეობის სამინისტროსა და გადამხდელი სააგენტოს მუშაობის სპეციფიკას გაეცნენ. დელეგაციის წევრებმა ევროკავშირში(EU) გაწევრიანების პროცესში მყოფი ქვეყნების  წინასწარი დახმარების ინსტრუმენტის EU IPARD  მუშაობის სპეციფიკის  შესახებ სერბეთის გადამხდელ სააგენტოში მიიღეს ინფორმაცია. 

შეხვედრები გაიმართა ბენეფიციარებთან, რომლებმაც ფინანსური დახმარება  მიიღეს ხორვატიისა და სერბეთში  გადამხდელი სააგენტოსგან.

სერბეთში, ციფრული სოფლის მეურნეობის მიმართულებით მოქმედ კომპანიაში  Biosence  გამართულ შეხვედრაზე, დელეგაციის წევრებს  სასოფლო-სამეურნეო მიწის მართვის სისტემების მართვის სისტემების LPIS/IACS  მართვისა და გამოყენების შესახებ  გაუზიარეს გამოცდილება. 

დელეგაციის შემადგენლობაში შედიოდნენ  გარემოს დაცვისა და სოფლის მეურნეობის სამინისტროს,   სოფლის განვითარების სააგენტოს, სოფლის მეურნეობის სამეცნიერო-კვლევითი ცენტრის, მიწის მდგრადი მართვისა და მიწათსარგებლობის მონიტორინგის ეროვნული სააგენტოსა და გაეროს განვითარების პროგრამის წარმომადგენლები.  

საქართველოს გარემოს დაცვისა და სოფლის მეურნეობის სამინისტროს დელეგაციის ვიზიტი გაეროს განვითარების პროგრამის მხარდაჭერით  განხორციელდა.