სასოფლო-სამეურნეო ექსტენცია, მთელი ქვეყნის მასშტაბით, სოფლის განვითარების სააგენტოს 9 რეგიონული სამსახურისა და 45 საინფორმაციო-საკონსულტაციო მუნიციპალური ცენტრის საშუალებით ხორციელდება. 

მათი საქმიანობის ძირითადი მიზანი აგრარულ სფეროში ფერმერთა ცოდნის ამაღლება და საკონსულტაციო მომსახურების გაწევაა, როგორც დარგობრივი მიმართულებით, ასევე სააგენტოს მიერ განხორციელებულ პროექტებთან და პროგრამებთან დაკავშირებით ინფორმაციის მიწოდების კუთხით.  

აღსანიშნავია, რომ სოფლის განვითარების სააგენტოს გენდერული სტრატეგიის  ერთ-ერთ ძირითად მიზანს ქალთა ეკონომიკური გაძლიერების ინსტიტუციური მექანიზმების ეფექტურობის უზრუნველყოფა, კერძოდ, რეგიონული ექსტენციის ცენტრების გაძლიერება წარმოადგენს.  2024 წლის განმავლობაში, სააგენტოს  რეგიონული სამსახურებისა და მუნიციპალური ცენტრების თანამშრომელთა მიერ საოფისე, საველე და დისტანციურ  პიროებებში კონსულტაცია გაეწია, ჯამში აგროსაქმიანობით დაინტერესებულ 10,000-ზე მეტ ქალს.