სამცხე-ჯავახეთის რეგიონში, ახალციხის მუნიციპალიტეტში, "ერთიანი აგროპროექტის" ფარგლებში დაფინანსებული მეფრინველეობის ახალი ფერმა „მესხეთის მეფრინველეობა“ ფუნქციონირებს. საწარმოს მშენებლობისთვის კომპანიამ სოფლის მეურნეობის სამინისტროს ,,შეღავათიანი აგროკრედიტის პროექტით“ ისარგებლა. საწარმო 2015 წელს სექტემბერში გაიხსნა, საწარმოში 20 ადგილობრივი მოსახლეა დასაქმებული. „მესხეთის მეფრინველეობა“ დღეში დაახლოებით 23000 ცალ კვერცხს აწარმოებს. პროდუქციის რეალიზაცია ადგილობრივ ბაზარზე ხდება.