საუდის არაბეთში გამართულ სოფლის მეურნეობის საერთაშორისო გამოფენაში Saudi Agriculture International Trade Exhibition საქართველოს სტენდი წელს პირველად იყო წარმოდგენილი.

ქართული აგროპროდუქციის მწარმოებლებმა გამოფენაში მონაწილეობა გარემოს დაცვისა და სოფლის მეურნეობის სამინისტროს მხარდაჭერით, სოფლის განვითარების სააგენტოსა და საუდის არაბეთის სამეფოში საქართველოს საელჩოს  ორგანიზებით მიიღეს.

საუდის არაბეთში გამართული მასშტაბური გამოფენა, ქართულ კომპანიებისთვის შესაძლებლობაა, რათა მათ ახლო აღმოსავლეთის რეგიონში გაზარდონ საექსპორტო შესაძლებლობები, მოიძიონ ახალი საქმიანი კავშირები, პარტნიორები და პოტენციური კლიენტები.

გამოფენაზე კომპანიებმა დამთავლიერებლებს კაკალი, თხილი,  თაფლი, მოცვი, ჟოლო, ტყემალი, საწებელი,  წყალი, მინერელური წყალი, ხილის ნატურალური წვენი, სუნელი, ცხვრის ხორცი და ზეითუნის ზეთი წარუდგინეს.