შპს „იუვის ბერის“ პროექტში "დანერგე მომავალი" 2016 წელს ჩაერთო და 7.2 ჰექტარზე ლურჯი მოცვის ბაღის გაშენებისათვის და სარწყავი სისტემის მოწყობისთვის 78,072 ლარის სახელმწიფო დაფინანსება მიიღო. მიღებული დაფინანსებიდან 60,072ლარი ნერგებისთვის, ხოლო 18,000 ლარი წვეთოვანი სისტემებისთვის იყო განკუთვნილი. პირველი მოსავლის სახით 150 ტონამდე ლურჯ მოცვს ელოდებიან. ბაღში 10-30 ადამიანია დასაქმებული.