სოფლის განვითარების სააგენტოს მხარდაჭერით, ქვემო ქართლში, თეთრიწყაროს მუნიციპალიტეტის სოფელ წინწყაროში რძის გადამმუშავებელი საწარმო გაფართოვდა. საწარმოში დამატებით 225,000 ლარის ინვესტიცია განხორცილდა, საიდანაც შეღავათიანი აგროკრედიტი 155,000 ლარია. საწარმოში დღეში 4-6 ტონამდე რძის გადამუშავება არის შესაძლებელი. პროდუქციის რეალიზაციას ადგილობრივ ბაზარზე ახდენენ, თუმცა იგეგმება საექსპორტო ბაზრების ათვისებაც. გადამმუშავებელ საწარმოში 14 ადამიანია დასაქმებული.