ქვემო ქართლის რეგიონში, გარდაბნის მუნიციპალიტეტში, "ერთიანი აგროპროექტის" ფარგლებში დაფინანსებული ახალი სასათბურე მეურნეობა „ჯეოარ პლიუსი“ ფუნქციონირებს. საწარმოს შესაქმნელად კომპანიამ სოფლის მეურნეობის სამინისტროს ,,შეღავათიანი აგროკრედიტის პროექტით“ ისარგებლა. საწარმო 2016 წელს გაიხსნა, საწარმოში წელიწადის განმავლობაში საშუალოდ 15 ადამიანია დასაქმებული. „ჯეოარ პლიუსის“ სასათბურე მეურნეობაში წელიწადში 80-100 ტონა ბოსტნეულს აწარმოებენ. პროდუქციის რეალიზაცია ადგილობრივ ბაზარზე ხდება.