შეღავათიანი აგროკრედიტი

პროგრამებში/პროექტებში მონაწილეობის მსურველებმა განაცხადები უნდა წარმოადგინონ მხოლოდ ქართულ ენაზე.

ქვეკომპონენტში კრედიტის გაცემა 2023 წლის 31 ოქტომბერს დასრულდა

ყურძნის გადამამუშავებელი საწარმოები, რომლებიც ყურძნის შეძენას მოახდენენ სპირტის წარმოების მიზნით

ამ ქვეკომპონენტის ფარგლებში კრედიტის გაცემა დასაშვებია მხოლოდ იმ ბენეფიციარებზე, რომლებიც ყურძნის შეძენას ახდენენ საბრენდე სპირტის წარმოების მიზნით. ასევე შესაძლებელია დაფინანსდეს ბრენდის წარმოებისათვის საჭირო მასალების (ბოთლი, საცობი, ჩაჩი, ეტიკეტი და ყუთი) შეძენა.

ამ მუხლით განსაზღვრული პირობებით კრედიტის გაცემა დასაშვებია ყოველი წლის 20 აგვისტოდან ამავე წლის 31 ოქტომბრის ჩათვლით, საქართველოს მთავრობის შესაბამისი განკარგულების საფუძველზე (ასეთის არსებობის შემთხვევაში)..

კრედიტის მიღება შეუძლიათ მხოლოდ სსიპ "ღვინის ეროვნული სააგენტოს" მიერ განსაზღვრულ საწარმოებს. აღნიშნულ საწარმოთა ჩამონათვალი განთავსდება სსიპ "ღვინის ეროვნული სააგენტოს" ვებგვერდზე https://wine.gov.ge

ერთ ბენეფიციარზე, ერთ სეზონზე, გაცემული შეღავათიანი აგროკრედიტის ჯამური მოცულობა არ უნდა აღემატებოდეს 15,000,000 ლარს, ხოლო შეღავათიანი აგროკრედიტის მაქსიმალური ვადა განისაზღვრება 36 თვით.

სააგენტო განახორციელებს ყურძნის შესაძენად და ბრენდის წარმოებისათვის საჭირო მასალების (ბოთლი, საცობი, ჩაჩი, ეტიკეტი და ყუთი) შესაძენად აღებული კრედიტის საპროცენტო სარგებლის თანადაფინანსებას. სააგენტო არ განახორციელებს საპროცენტო სარგებლის თანადაფინანსებას აღებული კრედიტის იმ ნაწილზე, რომელსაც ბენეფიციარი ვერ ან არ მოახმარს ყურძნის შეძენას და/ან შეძენილი ყურძნით ვერ ან არ მოხდება საბრენდე სპირტის წარმოება ან/და ვერ ან არ მოახდენს ბრენდის წარმოებისთვის საჭირო მასალების (ბოთლი, საცობი, ჩაჩი, ეტიკეტი და ყუთი) შეძენას.

ბენეფიციარი ვალდებულია, ყოველი წლის 30 აპრილამდე მომსახურე საფინანსო ინსტიტუტში წარადგინოს აუდიტორული დასკვნა (500,000 ლარის ჩათვლით დამტკიცებულ სესხებზე, საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების ბუღალტრული აღრიცხვის, ანგარიშგებისა და აუდიტის ზედამხედველობის სამსახურის“ რეესტრში არსებული პირები, რომელსაც აქვს I, II, III ან IVკატეგორია; ბ) 500,001 ლარიდან დამტკიცებულ სესხებზე, საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების ბუღალტრული აღრიცხვის, ანგარიშგებისა და აუდიტის ზედამხედველობის სამსახურის“ რეესტრში არსებული პირები, რომელსაც აქვს I, II, ან III კატეგორია; გ) სსიპ „ლევან სამხარაულის სახელობის სასამართლო ექსპერტიზის ეროვნული ბიურო“) ბენეფიციარის მიერ მიმდინარე წლის სეზონზე იმ ყურძნის შესაძენად გადახდილი თანხების შესახებ, რომლითაც მოხდა საბრენდე სპირტის წარმოება, ასევე შეძენილი ყურძნიდან წარმოებული საბრენდე სპირტის ოდენობის და ბრენდის წარმოებისათვის საჭირო მასალების (ბოთლი, საცობი, ჩაჩი, ეტიკეტი და ყუთი) შეძენის შესახებ. ამ ინფორმაციის საფუძველზე გაფორმდება სამმხრივი შედარების აქტი სააგენტოს, ბენეფიციარსა და სესხის გამცემ ბანკს შორის, ბენეფიციარის მიერ სესხის მიზნობრიობის შესაბამისად ათვისების თაობაზე.

კრედიტის საპროცენტო განაკვეთი დგინდება მისი მოცულობიდან გამომდინარე. კრედიტის საპროცენტო განაკვეთი შესაძლოა იყოს ფიქსირებული ან მცურავი:

ფიქსირებული საპროცენტო განაკვეთის შემთხვევაში, საკრედიტო ინსტიტუტის მიერ დადგენილი უნდა იყოს შემდეგი წლიური საპროცენტო განაკვეთები:

სესხის მოცულობა	საპროცენტო განაკვეთი
20,000 ლარიდან 150,000 ლარის ჩათვლით	არაუმეტეს 16%-ისა
150,001 ლარიდან 600,000 ლარის ჩათვლით	არაუმეტეს 15%-ისა
600,001 ლარიდან 1,500,000 ლარის ჩათვლით	არაუმეტეს 14%-ისა
1,500,001 ლარიდან 5,000,000 ლარის ჩათვლით	არაუმეტეს 13%-ისა
5,000,001 ლარიდან 15,000,000 ლარის ჩათვლით	არაუმეტეს 12%-ისა

მცურავი (ცვლადი) საპროცენტო განაკვეთის შემთხვევაში, საფინანსო ინსტიტუტის მიერ დადგენილი უნდა იყოს შემდეგი წლიური საპროცენტო განაკვეთები:

სესხის მოცულობა	საპროცენტო განაკვეთი
20,000 ლარიდან 150,000 ლარის ჩათვლით	არაუმეტეს ეროვნული ბანკის მიერ დადგენილი რეფინანსირების განაკვეთს დამატებული 8%-ისა
150,001 ლარიდან 600,000 ლარის ჩათვლით	არაუმეტეს ეროვნული ბანკის მიერ დადგენილი რეფინანსირების განაკვეთს დამატებული 7%-ისა
600,001 ლარიდან 1,500,000 ლარის ჩათვლით	არაუმეტეს ეროვნული ბანკის მიერ დადგენილი რეფინანსირების განაკვეთს დამატებული 6%-ისა
1,500,001 ლარიდან 5,000,000 ლარის ჩათვლით	არაუმეტეს ეროვნული ბანკის მიერ დადგენილი რეფინანსირების განაკვეთს დამატებული 5%-ისა
5,000,001 ლარიდან 15,000,000 ლარის ჩათვლით	არაუმეტეს ეროვნული ბანკის მიერ დადგენილი რეფინანსირების განაკვეთს დამატებული 4%-ისა

სააგენტო განახორციელებს შეღავათიანი აგროკრედიტის არაუმეტეს 36 თვის საპროცენტო განაკვეთის თანადაფინანსებას, ბენეფიციარის მიერ გადახდილი თანხის პარალელურად, სესხის ძირითადი თანხის წლიური 12%-ის ოდენობით.

სესხის დაფარვა ხდება ანუიტეტით ან არასტანდარტული გრაფიკით. საფინანსო ინსტიტუტის მიერ ბენეფიციარს უნდა მიეცეს საშეღავათო პერიოდი არანაკლებ მომდევნო წლის 15 მაისამდე, როგორც ძირითადი თანხის, ასევე საპროცენტო სარგებლის გადახდაზე.

წინამდებარე ქვეკომპონენტის ის პირობები, რაც არ არის გათვალისწინებული წინამდებარე ქვეკომპონენტით, რეგულირდება საბრუნავი საშუალების კომპონენტის ზოგადი პირობებით.

გაზიარება