მერძევეობის დარგის მოდერნიზაციის და ბაზარზე წვდომის პროგრამა

პროგრამებში/პროექტებში მონაწილეობის მსურველებმა განაცხადები უნდა წარმოადგინონ მხოლოდ ქართულ ენაზე.

თანადაფინანსება

პროგრამა ითვალისწინებს მერძევეობის დარგის სხვადასხვა მიმართულებების თანადაფინანსებას:

სააგენტოს თანადაფინანსება გაიცემა მხოლოდ მას შემდეგ, რაც ბენეფიციარი დაადასტურებს პროგრამით გათვალისწინებული მიზნობრიობის სრულად შესრულებას

მიმართულება	თანადაფინანსების მაქსიმალური პროცენტული წილი და ოდენობა ერთ ბენეფიციარზე (ლარი)
მიმართულება
1. რძის პირველადი წარმოება	სხვა დანარჩენი ბენეფიციარი	ქალი 18 - 40 წლის ჩათვლით მამაკაცი 18 - 35 წლის ჩათვლით
1.1. რძის მწარმოებელი	65%, [40, 000]	75% [40,000]
2. მომსახურების პროვაიდერი
2.1. ხელოვნური განაყოფიერებისა და ვეტერინარული მომსახურება	70% [25,000]	70% [25,000]
3. რძის გადამამუშავებელი საწარმო და შემგროვებელი პუნქტი
3.1. საშუალო ზომის რძის გადამამუშავებელი	50% [80,000]	50% [80,000]
3.2. რძის შემგროვებელი პუნქტი	60% [108,000]	60% [108,000]
3.3 რძის მცირე გადამამუშავებელი	70% [31,000]	70% [31,000]
3.4 რძის შემგროვებელი პუნქტი საზაფხულო საძოვრებზე	70% [28,000]	70% [28,000]
4. ალტერნატიული საქმიანობა	ქალი	მამაკაცი
4.1 ალტერნატიული საქმიანობა ახალგაზრდებისთვის	90% [8,000]	80% [8,000]
5. მზის ენერგიაზე მომუშავე ელექტროსადგურის მოწყობა
5.1 რძის მწარმოებელი	90% [20,000]	80% [20,000]

*შენიშვნა: „მზის ენერგიაზე მომუშავე ელექტრო სადგურის“ მიზნობრიობის შემთხვევაში განაცხადების მიღება ამ ეტაპზე შეჩერებულია.

მზის ელექტრო სადგურის მოწყობა შესაძლებელია მხოლოდ ფერმის აშენება/რეკონსტრუქციასთან ერთად, ბენეფიციარმა უნდა წარმოადგინოს მხოლოდ 1 განაცხადი, რომლის ფარგლებშიც მზის ელექტრო სადგურის მოწყობის ღირებულება არ იქნება პროქტის ჯამური ღირებულების 50%-ზე მეტი. ერთდროულად ორი განაცხადის მიღება ფერმის მშენებლობა/რეკონსტრუქციისა და მზის ენერგიაზე მომუშავე ელექტრო სადგურის მოწყობის მიმართულებით არ მოხდება.

„ალტერნატიული საქმიანობა ახალგაზრდებისთვის“ მიმართულების შემთხვევაში განაცხადების მიღება მოხდება შემდეგი რეგიონებიდან: სამცხე-ჯავახეთი, სამეგრელო-ზემო სვანეთი და იმერეთი.

განმარტებები

რძის მწარმოებელი - ფერმერი, რომელსაც ჰყავს არანაკლებ 1 და არაუმეტეს 25 მეწველი მსხვილფეხა საქონელი;
ვეტერინარია და ხელოვნური განაყოფიერება - პოტენციური ბენეფიციარი, რომელიც არის ხელოვნური განაყოფიერების და ვეტერინარიის მომსახურების მიმწოდებელი, რომელსაც გააჩნია თეორიული (დადასტურებული შესაბამისი დიპლომით/სერთიფიკატით) ცოდნა და არანაკლებ 2 წლიანი პრაქტიკული სამუშაო გამოცდილება შესაბამის სფეროში (დადასტურებული სარეკომენდაციო წერილით);
საშუალო ზომის რძის გადამამუშავებელი საწარმო - საწარმო, რომლის სიმძლავრე არის 1-10 ტონა რძის გადამუშავება დღეში (24 სთ) და დასაქმებული ჰყავს/დაასაქმებს არანაკლებ 8 ადამიანს;
მცირე ზომის რძის გადამამუშავებელი საწარმო - სწარმორომლის, სიმძლავრეარის არაუმეტეს 1 ტონა რძის გადამუშავება დღეში და დასაქმებული ჰყავს/დაასაქმებს არანაკლებ 2 ადამიანს.

პროგრამაში მონაწილეობის მსურველებს შეუძლიათ ერთდროულად მიიღონ თანადაფინანსება პროგრამის სხვადასხვა მიმართულებებით, მხოლოდ შემდეგ შემთხვევაში:

რძის მცირე გადამამუშავებელი საწარმოს ბენეფიციარს მონაწილეობა შეუძლია მიიღოს საზაფხულო საძოვრებზე რძის შემგროვებელი პუნქტის მიმართულებით;

შეზღუდვები

პროგრამა არ ითვალისწინებს შემდეგი ხარჯების დაფინანსებას:

ა) უძრავი ქონების, მათ შორის მიწის, შესყიდვა;

ბ) საპროექტო მომსახურება;

გ) კრედიტებისა და სხვა ვალდებულებების დაფარვა;

დ) საწარმოს აქციების/წილების შესყიდვა;

ე) ცხოველის შესყიდვა.

პროგრამაში მონაწილეობის მსურველი ან/და მისი დამფუძნებელი/მეწილე/აქციონერი/მეპაიე ვერ მიიღებს პროგრამით გათვალისწინებულ თანადაფინანსებას, თუ ფლობს წილს/აქციას/პაის პროგრამის ფარგლებში მისთვის საქართველოში რეგისტრირებულ საქონლის/მომსახურების მიმწოდებელ/მშენებლობის შემსრულებელ კომპანიაში.

პროგრამის მონაწილემ, ხელშეკრულებით გათვალისწინებული მიზნობრიობის შესრულების დასადასტურებლად, უნდა წარადგინოს სახელმწიფო საქვეუწყებო დაწესებულების – ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ წარმოებულ რეესტრში არსებული პირის საექსპერტო/აუდიტორული ან სსიპ “ლევან სამხარაულის სახელობის სასამართლო ექსპერტიზის” ეროვნული ბიუროს დასკვნა, საინვესტიციო ღირებულების მიზნობრივად ხარჯვასა და მიზნობრიობის შესრულებასთან დაკავშირებით. მასში აღწერილი უნდა იყოს დასკვნის მომზადების მეთოდოლოგია და თან უნდა ახლდეს ფულადი სახსრების ხარჯვის დამადასტურებელი დოკუმენტაციის ასლ(ებ)ი (საგადახდო დავალება ან/და სალაროს ჩეკი).

პროგრამის ფარგლებში შექმნილი/მოდერნიზებული/გაფართოებული ფერმა უნდა აკმაყოფილებდეს ფერმის სტანდარტს და ძირითად კრიტერიუმებს.

გაზიარება

სიახლეები

25 დეკემბერი, 2023 - 17:52

სოფლის განვითარების სააგენტო მესაქონლეობის მიმართულებით თანადაფინანსებას ახალი პირობებით გასცემს

საქართველოს მთავრობის სხდომაზე მიღებული გადაწყვეტილებით მსხვილფეხა მეცხოველეობის...

11 იანვარი, 2024 - 19:03