წარმოსადგენი დოკუმენტაციის ნუსხა

• განაცხადი;
• უფლებამოსილი პირის პირადობის მოწმობის ასლი ან/და წარმომადგენლობითი უფლებამოსილების დამადასტურებელი დოკუმენტი;
• ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან (იურიდიული პირის შემთხვევაში);
• ამონაწერი სსიპ - საჯარო რეესტრის ეროვნული სააგენტოდან საკუთრებაში/თანასაკუთრებაში  ან/და სახელმწიფოსგან/მუნიციპალიტეტისგან იჯარით (იჯარის დარჩენილი ვადა უნდა იყოს არანაკლებ 10 წელი) მიღებული მიწის ნაკვეთის ფლობის შესახებ; 

შენიშვნა*: მეფუტკრეობის შემთხვევაში მიწის ნაკვეთის საკუთრების დამადასტურებელი დოკუმენტის წარმოდგენა არ არის სავალდებულო.

• შესასყიდი საქონლის/მომსახურეობის ინვოისი ან/და ხელშეკრულება ქართულ ენაზე ან ნოტარიულად დამოწმებული თარგმანი, რომელიც  აუცილებელი წესით უნდა მოიცავდეს შემდეგ ინფორმაციას: 

მხარეთა რეკვიზიტები; 

მიწოდების ვადა;

• საკონსულტაციო კომპანიის მიერ გაცემული ყოველწლიური კონვერსიის გეგმა, სადაც დეტალურად იქნება წარმოდგენილი აგროტექნოლოგიური ღონისძიებების შესახებ ინფორმაცია;
• პოტენციური ბენეფიციარის თანამონაწილეობის თანხის დამადასტურებელი დოკუმენტი - ცნობა/ამონაწერი საფინანსო ინსტიტუტიდან შესაბამისი თანხის ანგარიშზე არსებობის შესახებ ან/და ცნობა საფინანსო ინსტიტუტიდან სესხის დამტკიცების თაობაზე ან/და დონორი ორგანიზაციის მიერ გაცემული ცნობა პროექტის დაფინანსებასთან დაკავშირებით. 
• საბანკო რეკვიზიტები;
• სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან/და სსიპ - „აკრედიტაციის ეროვნული ორგანოს - აკრედიტაციის ცენტრის“ მიერ აკრედიტებული პირების ან/და საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების - ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ წარმოებულ რეესტრში არსებული პირის საექსპერტო/აუდიტორული დასკვნა წარმოდგენილი პროექტის საინვესტიციო ღირებულების საბაზრო ფასებთან შესაბამისობის შესახებ, რომელსაც აუცილებელი წესით თან უნდა ჰქონდეს დართული ინვოის(ებ)ი ან/და ხელშეკრულება;
• სხვა დამატებითი დოკუმენტაცია, სააგენტოს მოთხოვნის შემთხვევაში.