სოფლის განვითარების სააგენტოს კახეთის რეგიონული სამსახური 8 საინფორმაციო საკონსულტაციო ცენტრს აერთიანებს. 

სოფლის განვითარების სააგენტოს დირექტორი ზურაბ გოზალიშვილი, მოადგილეებთან გიორგი ავალიანთან და გიორგი მაზიაშვილთან ერთად,  კახეთის რეგიონული სამსახურის თანამშრომლებს შეხვდა. 

სააგენტოს დირექტორმა კახეთის რეგიონში სოფლის განვითარების სააგენტოს პროგრამებისა და პროექტების მიმდინარეობის შესახებ ანგარიში მოისმინა. მან ასევე მიიღო ინფორმაცია რეგიონული სამსახურისა და საინფორმაციო საკონსულტაციო ცენტრების საქმიანობის შესახებ.  

ზურაბ გოზალიშვილმა შეხვედრაზე აღნიშნა, რომ სოფლის განვითარების სააგენტოსთვის რეგიონული სამსახურების გაძლიერება ერთ-ერთი პრიორიტეტული მიმართულებაა.

სააგენტოს დირექტორმა გურჯაანის საინფორმაციო-საკონსულტაციო ცენტრის ოფისი დაათვალიერა  და თანამშრომელთა სამუშაო პირობებს ადგილზე გაეცნო.