ტერმინთა განმარტება

პოტენციური ბენეფიციარი - „მეწარმეთა შესახებ“ საქართველოს კანონის საფუძველზე რეგისტრირებული მეწარმე ფიზიკური  ან იურიდიული პირი, რომელშიც  სახელმწიფო, აჭარის ავტონომიური რესპუბლიკა ან მუნიციპალიტეტი არ ფლობს წილს/პაის/აქციას, რომელთანაც პროგრამის ფარგლებში შესაძლებელია გაფორმდეს თანადაფინანსების ხელშეკრულება;

პროგრამის ბენეფიციარი - „მეწარმეთა შესახებ“ საქართველოს კანონის საფუძველზე რეგისტრირებული მეწარმე ფიზიკური ან იურიდიული პირი, რომელშიც  სახელმწიფო, აჭარის ავტონომიური რესპუბლიკა ან მუნიციპალიტეტი არ ფლობს წილს/პაის/აქციას, რომელთანაც პროგრამის ფარგლებში გაფორმებულია თანადაფინანსების ხელშეკრულება;

კომერციული ბანკი - პროექტში მონაწილე საქართველოში რეგისტრირებული ლიცენზირებული კომერციული ბანკი, რომელიც  ჩაერთვება პროექტის განხორციელებაში; 

ხელშეკრულება - სააგენტოს და კომერციულ ბანკს შორის გაფორმებული ხელშეკრულება, რომელიც განსაზღვრავს პროგრამის ფარგლებში მხარეთა მიერ შესასრულებელ ვალდებულებებს;  

თანადაფინანსების შეთანხმება  - სააგენტოს, კომერციულ ბანკსა და ბენეფიციარს შორის გაფორმებული შეთანხმება, რომელიც განსაზღვრავს პროგრამის ფარგლებში მხარეთა მიერ შესასრულებელ ვალდებულებებს; 

პროექტი - სააგენტოს პარტნიორი კომერციული ბანკის მიერ წარმოდგენილი პოტენციური ბენეფიციარის სესხის დამტკიცების განაცხადით გათვალისწინებული ბიზნეს საქმიანობა, რომლის დაფინანსებისთვისაც  გაიცემა ფულადი სახსრები პროგრამის პირობების შესაბამისად;

სასათბურე მეურნეობა - კონსტრუქციული ნაგებობა, გარდა ხის კონსტრუქციით მოწყობილი ნაგებობისა, რომელიც გადახურულია გამჭირვალე ან ნახევრად გამჭირვალე მასალით და განკუთვნილია ბოსტნეული  კულტურების საწარმოებლად წელიწადის სხვადასხვა პერიოდში და მასთან დაკავშირებული ინფრასტრუქტურა;

დაფინანსება - პროგრამის ფარგლებში სააგენტოს მიერ პროექტის ბენეფიციარზე გაცემული  ფულადი სახსრები;

საქონელი - ახალი სასათბურე მეურნეობების მოწყობისთვის საჭირო ძირითადი საშუალებები;

მომსახურება - ახალი სასათბურე მეურნეობების მოწყობისთვის გასაწევი მომსახურება;

საბრუნავი საშუალება - სასათბურე მეურნეობისთვის სარგავი/სათესლე მასალა და მოვლა-მოყვანისთვის საჭირო პესტიციდები, აგროქიმიკატები და სხვა დამხმარე საშუალებები.