პროგრამის მიზნობრიობები და შეზღუდვები

პროგრამა ითვალისწინებს, როგორც ახალი საწარმოების შექმნას, ასევე არსებული საწარმოების მოდერნიზება ან/და გაფართოებას, რომელიც მოიცავს:

1. ძირითადი საშუალებების დაფინანსებას, მათ შორის: მანქანა-დანადგარები, წარმოებისთვის საჭირო აღჭურვილობისა და სპეციალიზებული ტიპის ავტოსატრანსპორტო საშუალებების, მშენებლობისა და სარემონტო სამუშაოების დაფინანსება;

2. საბრუნავი საშუალებების დაფინანსებას - მხოლოდ ნედლეულის შეძენის, არაუმეტეს პროექტის ჯამური ღირებულების (სესხის თანხის) 20%-ის ოდენობით დაფინანსებას.

  პროგრამის ფარგლებში არ დაფინანსდება შემდეგი ბიზნეს მიმართულებები: 

1. სათამაშო ბიზნესი (აზარტული თამაშები);
2. ვაჭრობა;
3. საფინანსო მომსახურებას (მათ შორის სალომბარდო);
4. ექსტრემალური სპორტი და მასთან დაკავშირებული მომსახურება;
5. სატრანსპორტო მომახურება;
6. სამშენებლო (დეველოპერული) საქმიანობა;
7. სოფლის მეურნეობის პროდუქციის პირველადი წარმოება;
8. სამხედრო, ბირთვულ, თამბაქოს, და სახიფათო ნივთიერებების წარმოება;
9. საქველმოქმედო საქმიანობა;
10. კვების ობიექტები;
11. სასტუმრო (მათ შორის საოჯახო ტიპის სასტუმრო);
12. უძრავი ქონების შეძენა;
13. წლის/აქციების/პაის შეძენა;
14. რელიგიური, პოლიტიკური, საომარი და სხვა მსგავსი აქტივობები.

 დაუშვებელია, სააგენტოს დაფინანსების თანხით დაფინანსდეს: 

1. ნებისმიერი ვალდებულების გადაფარვა;

2. ავტოსატრანსპორტო საშუალების შეძენა, გარდა წარმოებისთვის საჭირო სპეციალიზებული ტიპის ავტოსატრანსპორტო საშუალებისა;

3. მიმდინარე ხარჯების დასაფინანსებლად (მათ შორის ტრანსპორტირება, ხელფასები, დაზღვევის და კომუნალური გადასახადები).

დაუშვებელია:

1. აღნიშნული პროგრამის ფარგლებში გაცემული სესხი, მოხმარდეს ბენეფიციარის სხვა სესხების რეფინანსირებას/რესტრუქტურიზაციას.
2. აღნიშნული პროგრამის ფარგლებში გაცემულ სესხებზე გავრცელდეს „შეღავათიანი აგროკრედიტის პროექტისა და გადამამუშავებელი და შემნახველი საწარმოების დაფინანსების პროექტის დამტკიცების შესახებ“ საქართველოს მთავრობის 2014 წლის 27 იანვრის №139-ე განკარგულების პირობები, „აწარმოე საქართველოში“ სახელმწიფო პროგრამის დამტკიცების შესახებ“ საქართველოს მთავრობის 2014 წლის 30 მაისის №365 დადგენილების პირობები ან/და „საკრედიტო საგარანტიო სქემის სახელმწიფო პროგრამის დამტკიცების შესახებ“ საქართველოს მთავრობის 2019 წლის 29 მარტის №163 დადგენილებით გათვალისწინებული საკრედიტო საგარანტიო სქემა.
3. ღვინის მწარმოებელ კომპანიებზე გაიცეს, პროგრამის ჯამური ბიუჯეტის 25%-ზე მეტი, რეგიონალურ ჭრილში.