პოტენციური ბენეფიციარი - საქართველოს მოქალაქე სრულწლოვანი ფიზიკური პირი, რომელიც არის ერთი შინამეურნეობის წარმომადგენელი ან ენერგოეფექტური ღუმელების მწარმოებელი პირი;

შინამეურნეობა  - ადამიანთა ერთობლიობა, რომლებიც ექვემდებარებიან ერთ საცხოვრებელ ერთეულზე ერთობლივი ცხოვრების საერთო წესებს და ერთმანეთთან დაკავშირებული არიან საერთო ბიუჯეტით (მისი ნაწილით), ნათესაური ან/და არანათესაური ურთიერთობებით (შინამეურნეობა შეიძლება შედგებოდეს ერთი ადამიანისგანაც).

ბენეფიციარი -  პირი, რომელიც აკმაყოფილებს პოტენციური ბენეფიციარის კრიტერიუმებს  და რომელთანაც შესაძლებელია გაფორმდეს თანადაფინანსების  შეთანხმება;

განაცხადი თანადაფინანსების მიღებაზე − პოტენციური ბენეფიციარის მიერ სს ,,ლიბერთი ბანკში“ შევსებული განაცხადი პროგრამის ფარგლებში შესასრულებელი ვალდებულებებისა და  სააგენტოს მიერ მისაღები თანადაფინანსების შესახებ;

თანადაფინანსება - პროგრამის ფარგლებში სააგენტოს მიერ ბენეფიციარზე   გაცემული ფულადი სახსრები;

ბანკი – სს „ლიბერთი ბანკი“, რომელთანაც სააგენტო პროგრამის ფარგლებში გააფორმებს ხელშეკრულებას, ბენეფიციარ(ებ)ისათვის ანგარიშ(ებ)ის გახსნის ან/და  ბარათ(ებ)ის დამზადების ან/და გაცემის ან/და უკვე არსებულ ანგარიშ(ებ)ზე/გადაცემულ ბარათ(ებ)ზე სააგენტოს თანადაფინანსების დარიცხვისა და მათი პროგრამის პირობების შესაბამისად გამოყენების მიზნით;

ენერგოეფექტური ღუმელი - პროგრამის ფარგლებში პოტენციური ბენეფიციარის მიერ ამ პროგრამით განსაზღვრული კრიტერიუმების (პარამეტრების) შესაბამისი ღუმელი, რაც უნდა დასტურდებოდეს საქართველოს ტექნიკური უნივერისტეტის/ ევროკომისიის მიერ აღიარებული აკრედიტებული ლაბორატორიის (სერტიფიცირების ორგანოს) მეიერ გაცემული შესაბამისი დოკუმენტით; 

მწარმოებელი - პოტენციური ბენეფიციარი, რომელიც აწარმოებს ენერგოეფექტურ ღუმელებს და რომელთა ჩამონათვალსაც განსაზღვრავს სააგენტო, მათ მიერ ლაბორატორიიდან წარმოდგენილ დოკუმენტაციაზე დაყრდნობით;

მიმწოდებელი - მწარმოებელი, ასევე სხვა მეწარმე ფიზიკური/ იურიდიული პირი რომელიც რეალიზაციას უწევს  პროგრამით  განსაზღვრული კრიტერიუმების (პარამეტრების) მქონე ენერგოეფექტურ ღუმელებს და რომელთა ჩამონათვალსაც განსაზღვრავს სააგენტო;

ლაბორატორია - საქართველოს ტექნიკურ უნივერსიტეტის მაღალტემპერატურული თბოფიზიკური პროცესების სამეცნიერო-საინჟინრო ცენტრი /ევროკომისიის მიერ აღიარებული აკრედიტებული ლაბორატორიის ( სერტიფიცირების ორგანო);

ლაბორატორიული მომსახურება - ლაბორატორიის მიერ მწარმოებელი პოტენციური ბენეფიციარისათვის ენერგოეფქტური ღუმელის პროგრამით განსაზღვრულ კრიტერიუმებთან (პარამეტრებთან) შესაბამისობის დადგენა.