ჭის/ჭაბურღილის (მათ შორის სატუმბი სადგურის) მოწყობის თანადაფინანსება/ანაზღაურება

თანადაფინანსების/ანაზღაურების მისაღებად, შევსებული განაცხადის ფორმა თანმდევ დოკუმენტაციასთან ერთად, შეგიძლიათ წარმოადგინოთ:

• მატერიალური სახით — სოფლის განვითარების სააგენტოს ცენტრალურ ოფისში ან შესაბამის რეგიონულ სამსახურში;
• ელექტრონულად — სააგენტოს ელ-ფოსტაზე: document@rda.gov.ge

თანადაფინანსების/ანაზღაურების მისაღებად საჭირო ეტაპებისა და წარმოსადგენი დოკუმენტაციის შესახებ დეტალური ინფორმაცია იხილეთ ქვემოთ. 

ფიზიკურ და იურიდიულ პირებს დაუფინანსდებათ/აუნაზღაურდებათ ჭის/ჭაბურღილის (მათ შორის სატუმბი სადგურის) მოწყობის ღირებულების არაუმეტეს 50%, მაგრამ არაუმეტეს ერთ ბენეფიციარზე 18,800 ლარი, ხოლო სასოფლო-სამეურნეო სტატუსის მქონე კოოპერატივების, გამყოფი ხაზის მიმდებარე სოფლებსა და მაღალმთიანი დასახლებების შემთხვევაში - არაუმეტეს 60%, მაგრამ არაუმეტეს ერთ ბენეფიციარზე 22,600 ლარი

სააგენტოსა და პოტენციურ ბენეფიციარს შორის ხელშეკრულების გასაფორმებლად პოტენციურმა ბენეფიციარმა უნდა წარადგინოს შემდეგი დოკუმენტები:  „რას უნდა შეიცავდეს ინვოისი“  

• შევსებული განაცხადის ფორმა;
• ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან (იურიდიული პირის შემთხვევაში); 
• პირადობის დამადასტურებელი დოკუმენტის ასლი (იურიდიული პირის შემთხვევაში -დირექტორის/პასუხისმგებელი პირის; ფიზიკური პირის/ინდივიდუალური მეწარმის შემთხვევაში - ნაკვეთის მფლობელისა და პასუხისმგებელი პირის);
• მიწის ნაკვეთის საკუთრების დამადასტურებელი დოკუმენტი (ამონაწერი საჯარო რეესტრიდან და  საკადასტრო რუკა), იჯარის შემთხვევაში, ამონაწერთან ერთად წარდგენილი უნდა იყოს იჯარის ხელშეკრულება (იჯარის დარჩენილი პერიოდი უნდა შეადგენდეს მინიმუმ 10 წელს, იჯარის ხელშეკრულება უნდა იყოს რეგისტრირებული სსიპ− საჯარო რეესტრის ეროვნულ სააგენტოში);
• ინვოისი ან/და ხელშეკრულება ქართულ ენაზე/ნოტარიულად დამოწმებული თარგმანი ქართულ ენაზე ჭის/ჭაბურღილის/სატუმბი სადგურის მომწყობი/რეალიზატორი კომპანიიდან; 

• სსიპ − ლევან სამხარაულის სახელობის სასამართლო ექსპერტიზის ეროვნული ბიუროს დასკვნა ან სააგენტოს გამგეობის მიერ განსაზღვრული, საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების − ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ წარმოებულ აუდიტორების/აუდიტორული (აუდიტური) ფირმების სახელმწიფო რეესტრში რეგისტრირებული აუდიტორის/აუდიტორული ფირმის მიერ გაცემული ანგარიში, განაცხადით გათვალისწინებულ მიწაზე არსებული ბაღების ამ პროგრამის ბაღების კომპონენტით განსაზღვრულ პირობებთან შესაბამისობის შესახებ.

   

  გარდა იმ შემთხვევისა, როდესაც განაცხადით მოთხოვნილ მიწის ნაკვეთზე სააგენტოს თანადაფინანსებით ბაღების კომპონენტის ფარგლებში გაშენებულია ბაღი და დადასტურებულია მიზნობრიობის შესრულება სააგენტოში განაცხადის წარდგენამდე სამი თვით ადრე.

   

  შენიშვნა: ზემოაღნიშნული აუდიტორები და აუდიტორული ფირმების შესახებ ინფორმაცია მოგვიანებით გამოქვეყნდება. 

• ბენეფიციარის საბანკო რეკვიზიტები.

ჭის/ჭაბურღილის (მათ შორის, სატუმბი სადგურის) მოწყობის ღირებულება დაფინანსდება/ანაზღაურდება მხოლოდ მას შემდეგ, რაც ბენეფიციარის მიერ წარდგენილი იქნება, სსიპ − ლევან სამხარაულის სახელობის სასამართლო ექსპერტიზის ეროვნული ბიუროს დასკვნა ან სააგენტოს გამგეობის მიერ განსაზღვრული, საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების − ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ წარმოებულ აუდიტორების/აუდიტორული (აუდიტური) ფირმების სახელმწიფო რეესტრში რეგისტრირებული აუდიტორის/აუდიტორული ფირმის მიერ გაცემული ანგარიში, რითაც დადასტურდება ჭის/ჭაბურღილის (მათ შორის, სატუმბი სადგურის) მოწყობის მიზნობრიობის შესრულება, წყლის საკმარისი დებეტის არსებობის ფაქტი, ასევე ცენტრის/ლაბორატორიის დასკვნა − წყლის ვარგისიანობა სარწყავი მიზნებისთვის.

შენიშვნა: ზემოაღნიშნული აუდიტორები და აუდიტორული ფირმების შესახებ ინფორმაცია მოგვიანებით გამოქვეყნდება. 

ჭის/ჭაბურღილის (მათ შორის სატუმბი სადგურის) მოწყობის ღირებულება დაფინანსდება, მხოლოდ მას შემდეგ, რაც წარმოდგენილი იქნება საქართველოს კანონმდებლობით გათვალისწინებული ლიცენზია/ნებართვა სასარგებლო წიაღისეულის მოპოვების შესახებ.