ეტაპები და წარმოსადგენი დოკუმენტაცია

ვალდებულებების შესრულების დადასტურება უნდა მოხდეს საექსპერტო/აუდიტორული დასკვნით.

განაცხადები მიიღება ელექტრონული ფორმით, რისთვისაც უნდა დარეგისტრირდეთ ვებგვერდზე.  მართვის პანელში აირჩევთ გადამამუშავებელი და შემნახველი საწარმოების თანადაფინანსების პროექტს, შემნახველი საწარმოების კომპონენტს, შეავსებთ განაცხადის ფორმის ველებს და ატვირთავთ თანმდევ დოკუმენტებს.

ელექტრონულ პროგრამაში განაცხადთან ერთად აუცილებელია წარმოდგენილი იყოს ყველა ჩამოთვლილი დოკუმენტის PDF ვერსია.

თანადაფინანსების ხელშეკრულების გაფორმებამდე პოტენციური ბენეფიციარი ვალდებულია საექსპერტო/საშემფასებლო/აუდიტორული დასკვნის, ნოტარიულად დამოწმებული ინვოისების თარგმანი (უცხო ენოვანი ინვოისების არსებობის შემთხვევაში) და დამფუძნებელთა/მეპაიეთა კრების ოქმის ორიგინალი დოკუმენტი წარმოადგინოს სააგენტოს ადმინისტრაციული დეპარტამენტის საქმისწარმოების სამსახურის ან/და სააგენტოს რეგიონებთან ურთიერთობის დეპარტამენტის რეგიონული სამსახურ(ებ)ის მეშვეობით.

იმ შემთხვევაში, თუ განაცხადი ან/და თანმდევი დოკუმენტაცია წარმოდგენილი იქნება არასრულყოფილად/ხარვეზებით განაცხადი იქნება უარყოფილი,  ხარვეზის აღმოფხვრის შემდეგ განაცხადი თავიდან მოხვდება რიგში.