შესაბამისობის კრიტერიუმები

შემნახველი საწარმოების თანადაფინანსების კომპონენტის ბენეფიციარი შეიძლება იყოს  საქართველოში რეგისტრირებული მეწარმე იურიდიული პირი, მათ შორის რეგისტრირებული სასოფლო-სამეურნეო კოოპერატივი;

ბენეფიციარი არ შეიძლება იყოს სახელმწიფო საწარმო, ან სახელმწიფოსთან აფილირებული საწარმო;

პოტენციური ბენეფიციარი საკუთრებაში უნდა ფლობდეს მიწის ნაკვეთს, სადაც იგეგმება შემნახველი საწარმოს შექმნა;

სასოფლო-სამეურნეო კოოპერატივი, დამატებით უნდა აკმაყოფილებდეს შემდეგ კრიტერიუმებს:

• სასოფლო-სამეურნეო კოოპერატივს და/ან კოოპერატივის მეპაიეთა არანაკლებ 3/4-ს (თითოეულ მეპაიეს) უნდა ჰქონდეს საკუთრებაში  სასოფლო-სამეურნეო დანიშნულების მიწის ნაკვეთი (სადაც გაშენებულია ბაღი ან მოჰყავთ ბოსტნეული), რომელსაც არ გაასხვისებს/გადასცემს მესამე პირს დროებით სარგებლობაში ბენეფიციარის მიერ ნაკისრი ვალდებულებების სრულად შესრულებამდე;
• კოოპერატივის მეპაიის ან/და კოოპერატივის საკუთრებაში არსებულ მიწის ნაკვეთ(ებ)ზე მოყვანილი/მოსაყვანი მოსავლის მოცულობა შესაბამისი უნდა იყოს შესაქმნელი შემნახველი საწარმოს წარმადობასთან/მოცულობასთან, მოყვანილი/მოსაყვანი მოსავლის მოცულობა უნდა შეადგენდეს არანაკლებ შემნახველი საწარმოს წარმადობა/მოცულობის ნახევარს. 

შემნახველი საწარმო უნდა აკმაყოფილებდეს სააგენტოს მიერ შემუშავებულ საწარმოს სტანდარტებს, ხოლო მარცვლეულის შემნახველი საწარმოს შემთხვევაში შესაბამის სტანდარტებს.

სსიპ სოფლის მეურნეობის სამეცნიერო კვლევით ცენტრში წარსადგენი შესაქმნელი საწარმოს ტექნიკური პარამეტრები:

• შესანახად განსაზღვრული ნედლეულის დახასიათება (კულტურა, ჯიშები, მოწოდების არეალი, შესაბამისი ნარგაობის ფართობი).
• შენახვის ტექნოლოგიური სქემის აღწერა (წინასწარი დამუშავება, კონსერვანტების გამოყენება, შენახვის რეჟიმი, ტექნოლოგია (ULO technology, CA storage და ა.შ.).
• შემნახველი საწარმოს არქიტექტურული პროექტი, რომელიც წარდგენილია შესაბამის მუნიციპალიტეტში სამშენებლო ნებართვის მისაღებად.
• შეძენისათვის განსაზღვრული აგრეგატების ტექნიკური მონაცემები (სამაცივრე დანადგარები, ვენტილაციის სისტემა, ჰაერის დამატენიანებელი).
• შენახვისათვის განსაზღვრული ტარა-მასალის აღწერა (ასეთის არსებობის შემთხვევაში).