პროგრამის შესახებ

თუ გსურთ სოფლად საქმიანობის დაწყება/განვითარება და ამისთვის გესაჭიროებათ დამატებითი ფულადი სახსრები, სახელმწიფო სთავაზობს ფიზიკურ და იურიდიულ პირებს იაფ ფინანსურ რესურსებზე წვდომას სესხის პროცენტის თანადაფინანსების გზით. 

შეღავათიან აგროკრედიტს  გასცემენ პროექტში ჩართული ბანკები და საფინანსო ორგანიზაციები. სოფლის განვითარების სააგენტო არ მონაწილეობს საკრედიტო განაცხადის დამუშავების და კრედიტის გაცემის პროცესში. 

პროექტის ფარგლებში  სოფლის მეურნეობის პირველადი წარმოების, გადამამუშავებელი, შენახვა-რეალიზაციის და სხვა მიზნობრიობის საწარმოები მიიღებენ აგროკრედიტ/აგროლიზინგს, როგორც ძირითადი ისე საბრუნავი საშუალებებისთვის.

„შეღავათიანი აგროკრედიტის პროექტი“ მოიცავს შემდეგ კომპონენტებს:

• შეღავათიანი აგროკრედიტი საბრუნავი საშუალებებისთვის;
• შეღავათიანი აგროკრედიტი ძირითადი საშუალებებისთვის;
• შეღავათიანი აგროლიზინგი 

პროექტი ინიცირებულია საქართველოს გარემოს დაცვისა და სოფლის მეურნეობის სამინისტროს მიერ. მას, 2013 წლის 27 მარტიდან, სოფლის განვითარების სააგენტო ახორციელებს.

საქართველოს მთავრობის დადგენილება