მეორადი უზრუნველყოფის კომპონენტი საბრუნავი საშუალებებისათვის

1. ეს კომპონენტი საბრუნავი საშუალებებისათვის ითვალისწინებს საფინანსო ინსტიტუტების მიერ მეხორცული ჯიშის მესაქონლეობაზე და თხილის პირველად წარმოებაზე გაცემულ საბრუნავი საშუალებების სესხებზე მეორად უზრუნველყოფას.
2. კომპონენტის ფარგლებში გაცემული ყოველი ახალი (არარეფინანსირებული/არარესტრუქტურიზებული) სესხის ძირითადი თანხის მთლიანი მოცულობის არა უმეტეს 50%-ის მეორადი უზრუნველყოფა მოხდება სააგენტოს მიერ სესხის ან მისი პირველი ტრანშის გაცემიდან მომდევნო 18 თვის განმავლობაში იმ შემთხვევაში თუ სესხი პირველადად უზრუნველყოფილია არანაკლებ 30%-ით. მეორადი უზრუნველყოფა საფინანსო ინსტიტუტზე გაიცემა იმ შემთხვევაში, თუ მსესხებლის მიერ საკუთარი ვალდებულების შეუსრულებლობის გამო საფინანსო ინსტიტუტი მოახდენს პირველადი უზრუნველყოფის რეალიზაციას და შედეგად ვერ ამოიღებს ნარჩენი ძირითადი თანხის 100%-ს. სააგენტო უზრუნველყოფს სხვაობის შევსებას არა უმეტეს პირველადი უზრუნველყოფის რეალიზაციამდე არსებული ძირითადი თანხის 50%-ის ოდენობით, მაგრამ არა უმეტეს 300,000 ლარისა.
3. მეორადი უზრუნველყოფა გაიცემა მხოლოდ მას შემდეგ, რაც პროგრამის მონაწილე წარადგენს აუდიტორულ დასკვნას სესხის მიზნობრივად ხარჯვის დასადასტურებლად.
4. კომპონენტის ფარგლებში შეღავათიანი აგროკრედიტით სარგებლობა შეუძლიათ შემდეგ პირებს:
   ა) საქართველოს მოქალაქე ფიზიკურ პირს;
   ბ) საქართველოს კანონმდებლობის შესაბამისად რეგისტრირებული ინდივიდუალურ მეწარმეს;
   გ) საქართველოს კანონმდებლობის შესაბამისად რეგისტრირებულ იურიდიულ პირს (გარდა სახელმწიფო/მუნიციპალური საწარმოებისა).
5. იმისთვის, რომ პოტენციურმა ბენეფიციარმა ისარგებლოს შეღავათიანი აგროკრედიტით, იგი უნდა აკმაყოფილებდეს საფინანსო ინსტიტუტის მიერ ასეთი ტიპის სესხების გაცემის წინაპირობებსა და წინამდებარე პროექტის მოთხოვნებს:
6. ა) პროგრამაში მონაწილეობის მსურველი რეგისტრირებული უნდა იყოს „ფერმათა/ ფერმერთა რეგისტრაციის პროექტის“ ფარგლებში წარმოებულ რეესტრში;
7. ბ) ფერმა ან/და მიწის ნაკვეთი, სადაც იგეგმება აღნიშნული მიზნობრიობის განხორციელება, უნდა იყოს მსესხებლის საკუთრებაში, თანასაკუთრებაში ან სარგებლობაში, საქართველოს კანონმდებლობის შესაბამისად (თანასაკუთრების შემთხვევაში უნდა არსებობდეს თანამესაკუთრეების თანხმობა სესხის ვადის განმავლობაში ქონებით სარგებლობის თაობაზე, ხოლო სარგებლობის შემთხვევაში მისი მოქმედების ვადა არ უნდა იყოს სესხის ვადაზე ნაკლები).
8. კომპონენტის ფარგლებში სესხი გაიცემა შემდეგი მიზნობრიობით:

ა) მეხორცული ჯიშის მესაქონლეობისთვის შემდეგი სახის საბრუნავი საშუალებების დასაფინანსებლად:

ა.ა) არასანაშენე და მოზარდი პირუტყვის შეძენა (როგორც იმპორტის გზით, ასევე ადგილობრივად);

ა.ბ) პირუტყვის საკვების მიმდინარე ხარჯების დაფინანსება;

ა.გ) პირუტყვის ვეტერინარული პრეპარატების მიმდინარე. დანახარჯების დაფინანსება;

ა.დ) შრომითი რესურსებისა და ვეტერინარის მომსახურების დაფინანსება.

ბ) თხილის პირველადი წარმოებისათვის შემდეგი სახის საბრუნავი საშუალებების დასაფინანსებლად:

ბ.ა) პესტიციდების, ორგანული და მინერალური სასუქების, მცენარეთა დაცვის ბიოლოგიური საშუალებების მიმდინარე ხარჯების დაფინანსება;

ბ.ბ) შრომითი რესურსებისა და სასოფლო-სამეურნეო ტექნიკის დაქირავება სასოფლო-სამეურნეო სამუშაოებისთვის;

ბ.გ) სასოფლო-სამეურნეო სამუშაოებისთვის გამოყენებული ტექნიკის საწვავ-საცხები მასალების მიმდინარე ხარჯების დაფინანსება;